港女要學日本妹，首先要學首次約會AA制！

戀愛手記

港女要學日本妹，首先要學首次約會AA制！

有港女睇到「日本妹娶唔娶得過」呢篇post，就話要學日本妹。

（娛樂八妹按：咦，個圖幾熟啵。睇下呢度？Ｄ日文咁渣譯得，一定係我譯架啦！！！）

（健吾：你畀人講返正題啦。搶戲～）

先唔好理呢個港女論點前後矛盾，語無倫次。但我同意所有港女，甚至女性都應該學下日本妹！

如果港女真係要學日本妹，首先要學識第一次約會AA制。

點解首次約會AA制咁重要？能力高，smart的男人絕對唔會想要一個淨係痴飲痴食的伴侶。佢地明白長久關係，係要互相支持。

而第一次約會肯唔肯AA制呢回事就可以睇到呢樣野。你第一餐就要食人隻車，要人請仲要食貴野，有d理智，聰明少少的男人都會say goodbye，唔會有下一次。

除非個男人好有錢，平常生活水平高，自願帶你去高級餐廳，你就可以理所當然咁預左佢請。

所以日本妹唔會係第一次約會就「乞求」男人俾錢。就算佢地預先知道心怡對象有錢，第一次約會都會AA制。

因為就算有錢的，見你首次約會肯俾錢，都會覺得你唔係闖住他的錢黎，自然都會俾到好印象個男人啦！

要將來管住自己個男人所有資產，首先要付出。日本妹有意識，無意識知道愛情係有成本的，係要付出，投資，學習的。所以每個日本妹都會多多少少研究男人心理。因為咁日本先會有さしすせそ理論（按：日本妹稱讚男人的說話）。你可以唔同意日本妹靠男人過活的價值觀，但佢地呢份努力，同對男人「人性」的了解，足而令日本妹成為全世界最受歡迎的女性。

如果你想搵個好d的男人陪你一世，就請你係首次約會時俾返自己個份。

當然，如果你覺得男人完全唔重要的話，你可以唔洗理。

但多多少少對男人有興趣的，學日本妹戀愛都無壞。

你認同的可以試下做，唔認同的都叫做學多樣野，知下都無壞！而學日本妹最啱睇腦細本書啦！

同時，我都勸下d港男唔好咁多幻想啦。日本妹都係人，一定都會有很多計算的。

冇計算的女人就好似豬一樣的隊友，會俾你同將來的家庭更多麻煩。問題係佢的目的係為左討好你個人，定係為左其他野，同埋你受唔受啫！想知日本妹點諗？都係個句，睇腦細本書啦！

（P.S. 其實唔只女生，日本人整體對人性同感情的了解都好高，呢個咁深的話題之後有機會再講。）

🌸🌸【今日精選推介 (最新)】🌸🌸
酒店優惠:
(1) 酒店價錢格到盡 ➡ https://tr.im/trivagohotelsearch
(2) Hotels.com 7月 (93折優惠碼: CHAJUL7)入住日期: 7月6日至 12月31日 ➡ https://tr.im/hotel93jul
(3) Stay Japan (日本公認合法民宿) 9折推廣碼: Ob5KPWWd-w :優惠日期: 7月3日至 8月31 日➡ https://tr.im/StayJapan10off

WIFI EGG上網:
(1) 去旅行無上網點定位呀? 憑此碼租用Wifi蛋即享9折 "CHINESEAN"➡ https://tr.im/WIFIEGG-ESO

旅遊保險:
(1) AXA旅遊保險 - 網上投保優惠: 單次旅遊保 88 折、全年旅遊保 9 折，3 日旅遊保險 $ 104 起 ➡ https://tr.im/AXA-TravelInsu

旅遊優惠:
(1) Klook有多個日本相關的旅遊套票 (E.g. JR Pass/ 南海電鐵車票): -> 新用戶折扣優惠: 香港區減港幣 $10；台灣區減新臺幣 $40；新加坡區減新加坡幣 $2 (優惠碼 香港:KLKCANHD /台灣:KLKCANTD/新加坡: KLKCANSD) 優惠鏈接 : https://tr.im/klook-newcustomer

作者

真也

二十二歲，大學生。於日本留學多年，日語早就達到一級水平。有一個日本女朋友，穩定交往中。後來才發現，可以係日本媾女，才是真正「通曉日語」。

港女要學日本妹，首先要學首次約會AA制！

熱門資訊